Alaksandr Łukašenka vykazvaje zaniepakojenaść u suviazi sa źnižeńniem abjomaŭ handlova-ekanamičnaha supracoŭnictva ŭ Sajuznaj dziaržavie i JEAES. Ab hetym kiraŭnik dziaržavy zajaviŭ siońnia na sustrečy z hubiernataram Kastramskoj vobłaści Rasii Siarhiejem Sitnikavym, piša BiełTA.
«U raniejšyja časy abjomy našaha ŭzajemnaha handlu (Biełarusi z Kastramskoj vobłaściu) pieravyšali $100 młn. Nie z kožnaj bujnoj krainaj u nas taki tavaraabarot. Ale za apošnija dva hady abjomy tavaraabarotu značna skaracilisia, što mianie vielmi chvaluje, — skazaŭ jon. — Paŭstaje pytańnie, navošta my stvarali adzinuju ekanamičnuju prastoru nie tolki ŭ našaj Sajuznaj dziaržavie, ale i ŭ JEAES».
Alaksandr Łukašenka zaŭvažyŭ, što za minułyja dva hady abjom tavaraabarotu ŭ farmacie JEAES značna źniziŭsia. «Voś stvaryli intehracyju… Mianie heta chvaluje. Ja pra heta kažu, a heta vyklikaje niejkaje nierazumieńnie abo admiažoŭvańnie ŭ Maskvie i ŭ Minsku ŭ niekatorych. Ale pra heta treba kazać, i treba hetyja vuzkija miescy znachodzić i niejak sklejvać našy adnosiny. Zamiest taho kab likvidavać niehatyŭ, uvodzicca zabarona na pastaŭki jałavičyny ŭ Rasiju. Jak heta razumieć?» — zajaviŭ kiraŭnik dziaržavy.
