Pieršy punkt — vakzał. Voś takija ceny va ŭsioj sietcy «DorOrs»:
Voźmiem, naprykład, piać samych tannych ruž za 2,5 rubla (50 sm). Za taki bukiet my addamo 12,5 rubla. A ciulpany kaštujuć u «DorOrs» 1,8 rubla.
Ciapier zirniem, što prapanujuć handlary ŭ pierachodach. Budźcie pilnymi i nie kuplajcie kvietki la samaha vychadu, bo pierapłacicie. Niekatoryja handlujuć niepadalok ad uvachodu na vulicy.
Košty na ružy ŭ pryvatnikaŭ prykładna takija:
- 40 sm — 2,3 r.,
- 50 sm — 2,6 r.,
- 60 sm — 2,8 r.,
- 70 sm — 3—3,5 r.,
- 80 sm — 3,3-4 r.
Atrymlivajecca, kali ŭ pryvatnikaŭ uziać tyja ž 5 ružaŭ daŭžynioj 50 sm, to bukiet budzie kaštavać 13 rubloŭ.
Siaredni košt na ciulpany ŭ pryvatnikaŭ — ad 1,8 da 2 rubloŭ.
Kali ŭ vas chapaje času, najlepš prajścisia pa ŭsim vakzale i paraŭnać ceny. Na vychadzie ź mietro, naprykład, možna nabyć ružy daŭžynioj 50 sm pa 1,7 rubla.
Dla čyścini ekśpierymientu my pravieryli ceny ŭ hipiermarkiecie. Ružaŭ niama, ale jość ciulpany i kvietki ŭ harškach. Hladzim ceny:
Ciulpan tut kaštuje tańniej, čym na vakzale.
U kramie z kvietkami, jakaja mieścicca pobač, asartymient vialiki, možna adšukać kvietki na lubyja hrošy.
Ruža daŭžynioj 80 sm tut kaštuje 7 rubloŭ. Heta ŭdvaja daražej, čym na vakzale, ale i vyhlad inšy.
Ź plusaŭ — asartymient. Možna znajści roznyja bukiety (naprykład, z hierbier) i pa bolš pryvabnym košcie pryhoža zapakavanyja archidei. Voś, naprykład:
