Stroha kažučy, avitaminoz — heta nadzvyčaj surjoznaje zachvorvańnie, zarabić jakoje nu vielmi niaprosta. Uviadzi ŭ radku pošuku słova «cynha», naprykład, i palubujsia, što byvaje ź ludźmi, jakija doŭhi čas pražyli bieź vitaminaŭ S, RR i V1. Uražvaje, praŭda? Na ščaście, ničoha padobnaha z taboj nie adbudziecca.
Toje, što zvyčajna zdarajecca z nami ŭ kancy zimy i ŭ pačatku viasny, miedyki nazyvajuć polihipavitaminozam, abo vitaminavaj niedastatkovaściu. Adbyvajecca kanflikt žadanaha i sapraŭdnaha: dla paŭnavartasnaha funkcyjanavańnia arhanizmu dzień za dniom patrabujecca peŭnaja kolkaść karysnych rečyvaŭ, a atrymlivaje jon pražytačny minimum, a to i jašče mienš.
Ale jość i dobryja naviny: viasnovuju niastaču vitaminaŭ davoli prosta papoŭnić. Tolki «padkormlivać» arhanizm treba rehularna.
Vybiraj zamarožanyja sadavinu, harodninu
Na žal, pryhožaja i apietytnaja śviežaja sadavina i jahady «made in vielmi daloka» za čas doŭhaha šlachu ŭ našy supiermarkiety hublajuć značnuju častku karyści. Tamu ŭ pačatku viasny pierachodź na zamarožanyja dary sadoŭ i aharodaŭ. Pry chutkim pramysłovym astudžeńni ŭ rodnych sadavinie i jahadach zachoŭvajecca da 95% nieabchodnych rečyvaŭ (asablivuju kaštoŭnaść u mižsiezońnie maje, zrazumieła, vitamin S).
Ješ suchafrukty
U ich šmat vitaminaŭ hrupy V i pravitaminu A. Vyvaranyja ŭ cukrovym siropie finiki pakidaj biez uvahi i šukaj mienavita sušanyja płady. Cukaty z papai, kivi, kavuna abo ananasa, choć i vyhladajuć simpatyčna, u vitaminizacyi taksama absalutna bieskarysnyja.
Zapiakaj i tušy
Praciahłaja termaapracoŭka praduktaŭ, u pryvatnaści harodniny, — vorah vitaminaŭ. Karniapłody — bulbu ci buraki — lepš za ŭsio zapiakać u mundziry: kaštoŭnyja rečyvy (vitaminy S, RR) zastanucca zapiačatanymi pad łupinaj.
Advar šypšyny
Ličyŭsia b eliksiram zdaroŭja, kali b nie kapryzy vitaminu S, dziela jakoha zvyčajna ŭsio ładzicca. Kaštoŭny, ale pieraborlivy, jon maje zvyčku razburacca pry kantakcie ź mietałami, chłaravanaj vadoj, pry nahravańni.
Hatuj kašy
Uličy, što manka ci, naprykład, vyčyščany rys pa viaśnie amal bieskarysnyja: paśla apracoŭki ŭ ich zastajecca nikčemna mała vitaminaŭ. Čaho nie skažaš pra piarłoŭku, aŭsianku, nieabčyščany rys i, viadoma ž, hrečku.
Źviarni ŭvahu na kapustu
U kansiervavanych harodninie i sadavinie z punktu hledžańnia źmiestu vitaminaŭ tołku mała. Inšaja sprava — kaštoŭny fiermientavany, jaki padvierhnuŭsia zakisańniu, pradukt — kvašanaja kapusta. Marskaja kapusta, miž inšym, taksama ŭtrymlivaje niamała karysnaha: naprykład, pravitamin A, S i šmatlikija vitaminy hrupy V.
Pasprabuj parastki
Parastki soi, nuta, harochu ci pšanicy — sapraŭdny skład karysnych rečyvaŭ. Ale maj na ŭvazie: pradukt skorapsavalny.
Pi pa praviłach
Zialony čaj — samy lepšy napoj dla arhanizma (viadoma, što ŭ suchich listočkach utrymlivajucca vitaminy C, P, B2, K, PP, A, D i E). Ale navučysia zavarvać jaho pravilna. Nali ŭ kubak trochi kipieniu, nakryj i pakiń na paru chvilin. Zatym vypleśni jaho, pakładzi patrebnuju tabie kolkaść harbaty i zali krychu astyłaj vadoj. Znoŭ nakryj kubak — i praz 10 chvilin atrymoŭvaj asałodu.
Kłapacisia pra mikrafłoru
Karysnaje nie zaŭsiody traplaje ŭ arhanizm zvonku — skažam, vitaminy hrupy V mohuć vypracoŭvać i tvaje ŭłasnyja kišečnyja bakteryi. Praŭda, dla hetaha ich nieabchodna jak śled karmić klatčatkaj, vydatnaja krynica jakoj — žytniaje, hrečkavaje, pšaničnaje, jačmiennaje i inšaje votrubje.
Zachoŭvaj spakoj
Navukoŭcy vyśvietlili, što stres značna paskaraje raschodvańnie vitaminaŭ. Adsiul maral — spakoj, tolki spakoj!
