Jon adznačyŭ, što, «na žal, pakazčyk dziciačaj śmiarotnaści pieravysiŭ respublikanski pakazčyk u minułym hodzie, skłaŭšy 3,2 vypadku na tysiaču žyvanarodžanych». Ministr padkreśliŭ, što taki pakazčyk nie moža zadavalniać achovu zdaroŭja stalicy.
Zhodna sa źviestkami kamiteta pa achovie zdaroŭja, pakazčyk dziciačaj śmiarotnaści skłaŭ u Minsku ŭ 2015 hodzie 2,2, u 2014-m i 2013-m — 2,9, u 2012-m — 2,8.
Małaška ličyć, što paharšeńnie pakazčyka nie źviazanaje z uzroŭniem abstalavańnia klinik abo technałohijami ŭ rodadapamozie, a prablema znachodzicca na ŭzroŭni ŭčastkovaha hiniekołaha, piedyjatra. Jon adznačyŭ važnaść kompleksnaha padychodu da pacyjenta. «Dumaju, — skazaŭ ministr, — heta pavinna stać pradmietam hłybokaha analizu kamiteta pa achovie zdaroŭja».
Pry hetym, pavodle jaho słoŭ, u Minsku samy nizki ŭzrovień ahulnaj śmiarotnaści nasielnictva: «U stalicy skancentravanyja ŭsie nieabchodnyja resursy, jak ułasnyja, tak i respublikanskija, dla taho, kab horad źjaŭlaŭsia etałonam i navučalnaj placoŭkaj dla rehijonaŭ».
