U Homieli kala budynka suda Centralnaha rajona prachodzić stychijny mitynh, na jaki sabrałasia kala 200 čałaviek. Praciŭniki dekreta № 3 «ab darmajedach» pryjšli na sudovaje pasiadžeńnie, kab padtrymać žychara Homiela Alaksandra Siamionava, jaki padaŭ pieršy ŭ Biełarusi pazoŭ suprać padatkovaj inśpiekcyi, pišuć naviny.by.
Tut i nižej fota Radyjo Svaboda
Ludzi skandujuć, «Nie dekretu №3, Łukašenka, sychodź!». Udzielniki mitynhu taksama raspaviadajuć ab svaich prablemach i žyćciovych situacyjach, źviazanych z adsutnaściu pracy, nizkimi zarobkami.
Viktar Rubcoŭ, syn byłoha palitviaźnia Juryja Rubcova, nahadaŭ prysutnym, što nastupny mitynh suprać dekreta № 3 projdzie ŭ Homieli 25 sakavika.
Nahadajem, hamielčuka Alaksandra Siamionava, jaki padaŭ pieršy ŭ Biełarusi pazoŭ suprać padatkovaj inśpiekcyi, haradskija ŭłady vyzvalili ad vypłaty «padatku na ŭtrymanstva».
