23 lutaha ŭ centry Lvova adbyłasia masavaja bojka pamiž biełaruskimi turystami i miascovymi žycharami. Pra heta paviedamlaje freesmi.by sa spasyłkaj na pres-słužbu palicyi Ukrainy.
Incydent adbyŭsia kala hadziny nočy na praśpiekcie Čarnaviła. U bojcy ŭdzielničali kala dziesiaci čałaviek — žychary Lvova i hramadzianie Biełarusi. Pryčynaj staŭ słoŭny kanflikt. U vyniku traim biełarusam spatrebiłasia dapamoha miedykaŭ.
Śviedki raspaviali, što biełaruskija turysty viartalisia ŭ haścinicu «Lvoŭ». Jany razmaŭlali na ruskaj movie. Heta nie spadabałasia ŭkraincam, jakija nazvalisia nacyjanalistami. Pa słovach vidavočcaŭ, la hatela stajaŭ aŭtobus, jaki pryjechaŭ z Kijeva z udzielnikami Maršu Hodnaści.
U dačynieńni da 31-hadovaha žychara Lvova palicyja skłała pratakoł za drobnaje chulihanstva. Chłopiec byŭ ahresiŭny i łajaŭsia. Turysty ź Biełarusi znachodzilisia ŭ stanie ałkaholnaha apjanieńnia, šumieli i nie reahavali na zaŭvahi.
Palicyja Lvova raspačała kryminalnuju spravu (naŭmysnaje lohkaje cialesnaje paškodžańnie), pravodzicca dasudovaje rasśledavańnie.
