Tryccacihadovy mužčyna vykraŭ svaju paŭtarahadovuju dačku Adelinu z doma žonki Anastasii u vioscy Krasnasiołaŭka ŭ Varoniežskaj vobłaści RF. Na Siarhieja K. i dzicia pravaachoŭniki skłali i pieradali aryjenciroŭku jaje vałancioram i miascovym žycharam, jakija dapamahali ŭ pošukach dziaŭčynki, paviedamlajuć rasijskija infarmahienctvy.
Nieŭzabavie mužčynu zatrymali ŭ vioscy Staraja Miełavaja. Padazravany ŭ vykradańni ŭłasnaj dački byŭ adzin. U adździele palicyi jon napisaŭ jaŭku z pakajańniem i pryznaŭsia, što zabiŭ ułasnuju dačku, a zatym skinuŭ u raku. Paśla hetaha pasprabavaŭ pakončyć z saboj. Na jaho ciele vyjaŭlenyja šmatlikija parezy.
Mužčyna zatrymany, vyrašajecca pytańnie ab jaho aryšcie. Robiacca sproby znajści cieła dziciaci. Burnuju raku ŭ miescy, pakazanym zatrymanym, užo abśledavali vadałazy, a nižej pa płyni vystaŭlenyja sietki. Cieła pakul nie znojdzienaje.
Paviedamlajecca, što žonka pahražała mužčynu całkam zabaranić jamu bačycca ź dziciem, tamu jon vyrašyŭ vykraści dačku i raspravicca ź joj, kab dziaŭčynka nie dastałasia nikomu.
