Praź dzień paśla čarhovaha zapusku Paŭnočnaj Karejaj balistyčnych rakiet ZŠA nakiravali dva mabilnyja supraćrakietnyja kompleksy THAAD u Paŭdniovuju Kareju dla pačatku razhortvańnia sistemy supraćrakietnaj abarony na paŭvostravie. Pra heta paviedamlaje Bloomberg, piša rbc.ru.
«Paskareńnie prahramy KNDR vyprabavańni jadziernaj zbroi i zapuski balistyčnych rakiet ujaŭlajuć pahrozu mižnarodnamu miru i biaśpiecy i źjaŭlajucca parušeńniem niekalkich rezalucyjaŭ Rady Biaśpieki Arhanizacyi Abjadnanych Nacyj», — havorycca ŭ paviedamleńni Cichaakijanskaha kamandavańnia ŭzbrojenych sił ZŠA.
Amierykanski admirał Hary Charys, čyje słovy pryvodziacca na aficyjnym sajcie cichaakijanskaha kamandavańnia, zajaviŭ, što dziejańni KNDR tolki paćviardžajuć «razvažlivaje» rašeńnie aljansu raźmiaścić THAAD u Paŭdniovaj Karei.
U suviazi z čarhovym zapuskam rakiet KNDR prezident ZŠA Donald Tramp patelefanavaŭ premjer-ministru Japonii Sindzi Abe i nahadaŭ jamu ab padtrymcy ad Štataŭ, paabiacaŭšy prademanstravać paŭnočnakarejcam «vielmi surjoznyja nastupstvy». Pa słovach Abe, Tramp zapeŭniŭ jaho, što «ZŠA na 100% na baku Japonii».