Maskva zajmaje paśladoŭnuju pazicyju pa hazavym pytańni ź Minskam, na pracoŭnym uzroŭni davodzić jaje da biełaruskich kaleh, zajaviŭ pres-sakratar prezidenta RF Dźmitryj Piaskoŭ, paviedamlaje ria.ru.
«Što tyčycca tak zvanaj hazavaj sprečki, u Rasii tut vielmi paśladoŭnaja pazicyja, i na pracoŭnym uzroŭni, skažam tak, dosyć paśladoŭna davodzicca da našych biełaruskich kaleh», — zajaviŭ Piaskoŭ žurnalistam, kamientujučy pytańnie ab hazavaj sprečcy, jaki ŭźnik pamiž Rasijaj i Biełaruśsiu.
Akramia taho, pres-sakratar kiraŭnika dziaržavy nahadaŭ, što raniej Uładzimir Pucin zajaviŭ pra važnaść dobrych uzajemaadnosin ź Biełaruśsiu.
«My vielmi šanujem hetyja adnosiny, i najlepšym paćviardžeńniem hetaha źjaŭlajecca abjom pramoj i ŭskosnaj dapamohi, jakuju akazvaje Rasijskaja Fiederacyja našaj brackaj Biełarusi», — nahadaŭ Piaskoŭ.
