U Siryi 20 lutaha zahinuŭ rasijanin Vasil Jurlin, piša hrupa niezaležnych daśledčykaŭ uzbrojenych kanfliktaŭ Conflict Intelligence Team (CIT), spasyłajučysia na post «svajaka abo znajomaha» ŭ sacyjalnaj sietcy «Ukantakcie», jaki byŭ taksama apublikavany ŭ supołcy taljacinskaj vieteranskaj arhanizacyi.
CIT pa fatahrafijach Jurlina robić vysnovu, što jon byŭ desantnikam. Pry hetym dokazaŭ vajennaj słužby jaho ŭ apošnija hady supołka nie znajšła. «Heta navodzić na mierkavańnie, što Vasil Jurlin, jak i Ivan Słyškin, jaki byŭ zabity 12 lutaha vierahodna, źjaŭlaŭsia bajcom «hrupy Vahniera», — zaklučaje CIT. Minabarony, vierahodna, nie paćvierdzić hibiel Jurlina, adznačajuć śledčyja.
Abstaviny hibieli vajennaha nieviadomyja. Pachavańnie, pa dadzienych CIT, projdzie ŭ sieradu, 8 sakavika, u Taljaci.
Plamieńnica vajskoŭca Karyna Jurlina paćvierdziła RBK infarmacyju pra hibiel u Siryi svajho dziadźki. «Jon kantraktnik, źjechaŭ słužyć u Siryju i zahinuŭ 20 lutaha. Pra heta paviedamili baćkam u kancy minułaha tydnia», — skazała jana. Taksama jana paćvierdziła, što pachavańnie adbudziecca 8 sakavika.
Baćka zahinułaha paviedamiŭ, što jon słužyŭ u pryvatnaj vajennaj kampanii.
