U Rasii moža być uviedzieny novy pryncyp atrymańnia hramadzianstva, zasnavany na «pravie hleby», paviedamiŭ ria.ru namieśnik staršyni kamiteta pa spravach nacyjanalnaściaŭ Dziarždumy Rusłan Balbiek.
Pavodle jaho słoŭ, heta praduhledžvaje zakonaprajekt, prapanavany Kanstancinam Zatulinym i Natallaj Pakłonskaj. Kamitet pa spravach nacyjanalnaściej užo daŭ svajo stanoŭčaje zaklučeńnie.
«U vypadku pryniaćcia dadzienaha zakona atrymać hramadzianstva Rasijskaj Fiederacyi možna budzie nie tolki pa pryncypie kryvi, svajactva, ale i pa pryncypie hleby. Asnoŭnym kryteryjem budzie źjaŭlacca viedańnie ruskaj movy, a taksama biarecca za asnovu suviaź z terytoryjami Savieckaha Sajuza i Rasijskaj impieryi», - skazaŭ Balbiek.
Takim čynam, pavodle jaho słoŭ, prava na sproščanuju praceduru nabyćcia rasijskaha hramadzianstva atrymajuć nośbity ruskaj movy — vychadcy abo ich svajaki z krain postsavieckaj prastory, jakija niekali ŭvachodzili ŭ skład SSSR abo Rasijskaj impieryi.
«Prava hleby» — jurydyčny termin, jaki zamacoŭvaje prava atrymańnia hramadzianstva toj ci inšaj dziaržavy za asobami, jakija naradzilisia na terytoryi hetaj dziaržavy niezaležna ad ich rasavaj, nacyjanalnaj abo moŭnaj prynaležnaści.
