Taksist-pradprymalnik Alaksanr Stachoŭski ź Minska, jakomu dniami viadomaja pijarščyca Alaksandra Rohač zapłaciła 63 rubli za dziesiać kiłamietraŭ darohi, prapanuje akcyju «dla tych, chto ŭ temie».

«Karona zamak» ad borta pa 1 rubli za kiłamietr dla tych, chto viedaje, i 10 rubloŭ za kiłamietr dla tych, chto jašče nie ŭ kursie. Kodavaje słova «Barada 63», — napisana na sajcie pradprymalnika, jaki źjaŭlajecca jašče i staršynioj niezaležnaha prafsajuza taksistaŭ «Centr».

Stachoŭski abiacaje viarnuć dziaŭčynie 63 rubli, kali za adnu źmienu prapanavanaj akcyjaj skarystajecca bolš za 15 pasažyraŭ. Tak by mović, «u jakaści padziaki za rekłamu». Varta adznačyć, što siońnia samy tanny taryf taksi pa Minsku — 55 kapiejek za kiłamietr. To bok udzieł u akcyi Alaksandra Stachoŭskaha ŭsio roŭna abydziecca pasažyram amal udvaja daražej.

Da svajoj źnižki taksist prykłaŭ videa, dzie razvažaje pra pryčyny zavyšanych taryfaŭ i ščyra dziakuje Alaksandry Rohač za atrymany rezanans.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?