AP
Jak paviedamlaje Reuters sa spasyłkaj na dypłamatyčnyja krynicy ŭ ZŠA i Jehipcie, vajskoŭcy, jakija, mahčyma, źjaŭlajucca rasijskimi śpiecnazaŭcami, a taksama novyja bieśpiłotnyja latalnyja aparaty znachodziacca ŭ rajonie jehipieckaha nasielenaha punkta Sadzi Barani, prykładna za 100 kiłamietraŭ ad miažy ź Livijaj.
Pa dadzienych jehipieckich śpiecsłužbaŭ, na aeradrom na zachadzie krainy prybyło rasijskaje padraździaleńnie z 22 čałaviek. Meta ich misii nieviadomaja, adnak krynica Reuters pakazała, što Rasija ŭžo vykarystoŭvała ŭ pačatku lutaha inšuju jehipieckuju bazu VPS u rajonie nasielenaha punkta Marsa Matruch.
Surazmoŭcy ahienctva Reuters miarkujuć, što metaj śpiecnazu stanie padtrymka kamandujučaha Livijskim nacyjanalnym vojskam Chalify Chaftara, jaki 3 sakavika adstupiŭ z šerahu naftanosnych rajonaŭ.
Jak ukazvaje ahienctva Reuters, rasijskaje ministerstva abarony nijak nie prakamientavała paviedamleńni ab prybyćci śpiecnaza ŭ Jehipiet. U Kairy pry hetym zajavili, što zamiežnych sałdat na terytoryi krainy niama.
Pradstaŭniki Chaftara pry hetym nie paćvierdzili, što dapamohu jaho atradam akazvaje Rasija.
Raniej ahienctva Reuters zajaviła, što na baku Chaftara vajujuć niekalki dziasiatkaŭ čałaviek z pryvatnaj rasijskaj vajskovaj kampanii. Paćvierdžańnia hetaj infarmacyi nie było.
Rasija abvierhła paviedamleńni pra adpraŭku rasijskich vajskoŭcaŭ u Jehipiet
