Deputat Alena Anisim nakiravała zvaroty na adras Lilii Ananič i Valancina Sukały. Prapanujem tekst hetych zvarotaŭ vašaj uvazie.
«Ł.S. Ananič,
Ministru infarmacyi
Respubliki Biełaruś
Pr-kt Pieramožcaŭ, 11
220004 h. Minsk
Pavažanaja Lilija Stanisłavaŭna!
12 sakavika 2017 h. u Biełarusi ŭ roznych haradach byli zatrymanyja dziasiatki žurnalistaŭ z roznych srodkaŭ masavaj infarmacyi. Jak były redaktar niezaležnaha vydańnia haziety «Novy čas», ja nie mahu zrazumieć sutnaści ich pravaparušeńnia. Jak viadoma, u našaj krainie zaraz naładžvajecca ahulnanacyjanalny dyjałoh pa roznych pytańniach dalejšaha raźvićcia krainy. Kiraŭnik krainy jasna vykazaŭsia za toje, kab žychary ŭ roznych haradach mieli prava vyjści na vyznačanyja miescy (haradskija płoščy) i svabodna skazać pra svaje prablemy. Žurnalisty dziejničali ŭ adpaviednaści sa svaimi prafiesijnymi abaviazkami i infarmavali hramadskaść krainy i orhany ŭłady pra situacyju ŭ roznych haradach. Zatrymańnie i pryciahnieńnie ich da adkaznaści za prafiesijnuju dziejnaść u lubym vypadku vychodzić za miežy zakanadaŭstva. Asabliva aburalnym vyhladajuć takija fakty ŭ dačynieńni da žurnalistak-žančyn.
U suviazi z hetym prašu Vas jak Ministra infarmacyi pryniać adpaviednyja miery dla abarony paciarpiełych žurnalistaŭ, a taksama zrabić usio nieabchodnaje, kab nie dapuścić takich prajaŭ u dalejšym.
Z pavahaj,
deputat Pałaty pradstaŭnikoŭ
Nacyjanalnaha schodu Respubliki Biełaruś
pa Staŭbcoŭskaj vybarčaj akruzie № 70 A.Anisim»
«V.A. Sukała,
Staršynia Viarchoŭnaha Suda
Respubliki Biełaruś
Lenina, 28
220030 h. Minsk
Pavažany Valancin Alehavič!
13 sakavika 2017 h. u Biełarusi byli pryciahnutyja da adkaznaści i asudžanyja žurnalisty z roznych srodkaŭ masavaj infarmacyi. Jak były redaktar niezaležnaha vydańnia haziety «Novy čas», ja nie mahu zrazumieć sutnaści ich pravaparušeńnia. Jak viadoma, u našaj krainie zaraz naładžvajecca ahulnanacyjanalny dyjałoh pa roznych pytańniach dalejšaha raźvićcia krainy. Kiraŭnik krainy jasna vykazaŭsia za toje, kab žychary ŭ roznych haradach mieli prava vyjści na vyznačanyja miescy (haradskija płoščy) i svabodna skazać pra svaje prablemy. Žurnalisty dziejničali ŭ adpaviednaści sa svaimi prafiesijnymi abaviazkami i infarmavali hramadskaść krainy i orhany ŭłady pra situacyju ŭ roznych haradach. Pryciahnieńnie ich da adkaznaści i tym bolš sudovaje pakarańnie (u tym liku značnyja hrašovyja štrafy) nie spryjaje palapšeńniu ahulnaj situacyi ŭ krainie i škodzić mižnarodnamu imidžu. Składvajecca ŭražańnie, što za hetym rašeńniem stajać ludzi, jakija nie žadajuć dziejničać na karyść našaj dziaržavy ŭ adpaviednaści z rasparadžeńniem Kiraŭnika krainy, a pieraśledujuć inšyja intaresy.
U suviazi z hetym prašu Vas jak Staršyniu Viarchoŭnaha Suda Respubliki Biełaruś dać adkaz, na padstavie jakich zakanadaŭčych aktaŭ u našaj krainie byli asudžany ludzi, u dadzienym vypadku žurnalisty, jakija dziejničali ŭ adpaviednaści sa svaimi prafiesijnymi abaviazkami.
Z pavahaj,
deputat Pałaty pradstaŭnikoŭ
Nacyjanalnaha schodu Respubliki Biełaruś
pa Staŭbcoŭskaj vybarčaj akruzie № 70 A.Anisim»
