«Niesankcyjanavanaja vuličnaja akcyja ŭ Minsku nie znajšła padtrymki ŭ hramadstvie», — piša dziaržaŭnaje ahienctva BiełTA.
Fota, jakim BiełTA prailustravała artykuł
«Napiaredadni haradskija ŭłady papiaredzili ab tym, što ŭsie niesankcyjanavanyja schody ludziej u horadzie pryznajucca niezakonnymi, adpaviedna, ich udzielniki padpadajuć pad dziejańnie administracyjnaha kodeksa.
Niahledziačy na heta, siońnia ŭ rajonie 14.00 u Minsku ŭdzielniki akcyi sprabavali sabracca kala budynka Akademii navuk. Supracoŭniki milicyi papiaredžvali ludziej ab adkaznaści za ŭdzieł u akcyi i prasili razyścisia. Adnak niešmatlikaja častka tych, chto sabraŭsia, pryniała rašeńnie prajści ad Akademii navuk i ŭzdoŭž praśpiekta Niezaležnaści ŭ bok płoščy Jakuba Kołasa. Kab zabiaśpiečyć biaśpieku, supracoŭniki AMAPa vymušanyja byli pierakryć praśpiekt Niezaležnaści. U čarhovy raz z dapamohaj hučnahavarycielaŭ supracoŭniki milicyi papiaredzili ludziej ab niedapuščalnaści ŭdziełu ŭ niesankcyjanavanaj akcyi, nahadali ab adkaznaści za parušeńnie zakanadaŭstva, paprasili razyścisia. Paśla čaho kolkaść ludziej značna pamienieła. Razam z tym, častka ź ich vyrašyła prajści ŭ bok płoščy Pieramohi. U chutkim časie akcyja zaviaršyłasia.
Jak paviedamlali žurnalisty roznych ŚMI, u tym liku i zamiežnych, mety, jakija abviaščalisia napiaredadni arhanizatarami akcyi, nie byli padtrymanyja ŭ hramadstvie. Asobnyja ŭdzielniki akcyi naŭmysna pavodzili siabie pravakacyjna, vidavočna imknučysia stvaryć «jarkuju karcinku» dla tyražavańnia ŭ ŚMI», — maluje svaju karcinu padziej u Minsku dziaržaŭnaje ahienctva.
