Ministerstva adukacyi Biełarusi zaćvierdziła terminy praviadzieńnia ŭstupnaj kampanii dla atrymańnia vyšejšaj adukacyi pieršaj stupieni ŭ 2017 hodzie. Heta praduhledžana pastanovaj ministerstva №17 ad 9 sakavika 2017 hoda, paviedamlaje pravo.by.
Pryjom dakumientaŭ u VNU dla atrymańnia vyšejšaj adukacyi za košt biudžetu i na płatnaj asnovie praduhledžany z 12 pa 17 lipienia. Ustanovy vyšejšaj adukacyi (UVA) sielskahaspadarčaha profilu prymać dakumienty na zavočnuju formu buduć z 15 listapada pa 5 śniežnia.
Ad hramadzian, jakija vykazali žadańnie pastupić u VNU na płatnaj asnovie, jakija nie buduć zdavać ustupnyja vyprabavańni niepasredna va UVA, dakumienty prymajucca ŭ nastupnyja terminy: u Akademii MUS, Mahiloŭskim instytucie MUS, Univiersitecie hramadzianskaj abarony MNS — z 12 pa 31 lipienia; u Biełaruskaj dziaržaŭnaj akademii mastactvaŭ, Biełaruskaj dziaržaŭnaj akademii muzyki, Biełaruskim dziaržaŭnym univiersitecie kultury i mastactvaŭ — z 12 lipienia pa 2 žniŭnia; u inšych VNU — z 12 lipienia pa 4 žniŭnia.
Vypuskniki profilnych kłasaŭ piedahahičnaj nakiravanaści, jakija pastupajuć na piedśpiecyjalnaści, mohuć padać dakumienty z 12 pa 14 lipienia.
Z 18 lipienia pačynajucca ŭstupnyja vyprabavańni, jakija pravodziacca niepasredna va ŭstanovach adukacyi. Pa 21 lipienia takija vyprabavańni projduć u Akademii MUS, Mahiloŭskim instytucie MUS, Univiersitecie hramadzianskaj abarony MNS; pa 26 lipienia — u Biełaruskaj dziaržaŭnaj akademii mastactvaŭ, Biełaruskaj dziaržaŭnaj akademii muzyki, Biełaruskim dziaržaŭnym univiersitecie kultury i mastactvaŭ; pa 24 lipienia — u inšych UVA. Ustupnyja ispyty ŭ VNU sielhasprofilu projduć z 18 pa 25 lipienia (vočnaja forma) i z 6 pa 15 śniežnia (zavočnaja forma).
Pastanovaj taksama vyznačanyja terminy zaličeńnia abituryjentaŭ i dadatkovaha naboru ŭ dziaržaŭnyja ŭstanovy vyšejšaj adukacyi na miescy, vyznačanyja kantrolnymi ličbami pryjomu, jakija zastalisia vakantnymi paśla zaličeńnia abituryjentaŭ. Akramia taho, ustanoŭlenyja terminy ŭstupnaj kampanii dla zamiežnych hramadzian i asob biez hramadzianstva, a taksama dla hramadzian Ukrainy i asob biez hramadzianstva, jakija pražyvali (jak praviła, nie mienš za hod) na terytoryi Danieckaj i Łuhanskaj abłaściej Ukrainy i prybyli ŭ Biełaruś dla atrymańnia dazvołaŭ na časovaje abo pastajannaje pražyvańnie.
Pastanova ŭstupaje ŭ siłu paśla jaje aficyjnaha apublikavańnia.
