Trenier «Mančester Junajted» Žaze Maŭryńju zaklikaŭ admianić tavaryskija matčy pamiž zbornymi ŭ siaredzinie siezonu. Partuhalec ličyć, što takija matčy maje sens pravodzić tolki raz na dva hady, piša RBK sa spasyłkaj na Sky Sports.

Na dumku Maŭryńju, tavaryskija matčy pavialičvajuć nahruzku na futbalistaŭ, jakaja i tak dosyć vialikaja. Akramia taho, dadatkovyja matčy pryvodziać da traŭmaŭ.

«Ja całkam suprać tavaryskich matčaŭ. Ich varta admianić. Pa-mojmu, tavaryskija matčy dla zbornych majuć sens tolki ŭ finalnaj stadyi padrychtoŭki da vialikich turniraŭ. U apošnija paru tydniaŭ pierad Jeŭra abo čempijanatami śvietu ŭ ich jość tołk. Adnak u siaredzinie siezonu, u dni, kali pravodziacca adboračnyja matčy, pravodzić jašče i tavaryskija hulni nie varta. U hetym prosta niama sensu. Da taho ž takija matčy redka byvajuć pa-sapraŭdnamu napružanymi, tak što ja nie ich vialiki fanat. Zrešty, moža być, kali-niebudź ja stanu trenieram zbornaj i nie budu stavicca da tavaryskich matčaŭ tak krytyčna», — skazaŭ Maŭryńju.

Abaroncy «Mančester Junajted» Krys Smolinh i Fił Džons viarnulisia z traŭmami sa zbornaj. Džons paškodziŭ palec u sutyknieńni sa Smolinham na treniroŭcy, a sam Smolinh z-za prablem z nahoj nie zmoh dajhrać tavaryski matč suprać Hiermanii i taksama vybyŭ sa stroju.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?