Kiraŭnica kampanii «Naš dom» Volha Karač apublikavała ŭ fejsbuku matyvatar — pieraroblenuju karcinku ź sieryi sacyjalnych płakataŭ «Heta ja».
«HETA Ja napisała paštoŭku Vitalu Rymašeŭskamu ŭ IČU Maładziečna. Volha Karač».
Karystalniki fejsbuku zadumalisia, ci nasamreč heta takoje vybitnaje dasiahnieńnie?
Volha Karač nieŭzabavie adkazała skieptykam:
«1. Heta nie pijar. Tupa naohuł kazać pra pijar u kantekście takich akcyj. Vy možacie nazvać proźviščy ŭsich ludziej, chto byŭ na matyvatarach? Nie. Vy ich nie zapomnili. Ale Vy zapomnili ich historyi.
2. U situacyi razhonaŭ, represijaŭ i cisku zvyčajna ludzi razhublenyja i nie viedajuć, što rabić. Nadychodzić zasmučeńnie. Im patrebnyja madeli pavodzin — to bok što jany mohuć rabić. Abo, umoŭna kažučy, deviz «Rabi jak ja». Sens matyvatara: a) nie dać ludziam upaści ŭ rospač, tamu što znoŭ razahnali i tamu što šmat chto byŭ upeŭnieny, što Łukašenka sydzie 25-ha sakavika; b) pakazać, što kankretna jany mohuć rabić u takich voś kryzisnych situacyjach».
Sam Vital Rymašeŭski adznačyŭ, što paštoŭku ad Karač jamu pieradali tolki ŭ dzień vychadu ź izalatara. «Ola, ty była nie adzinaj) Mianie pa vychadzie pytalisia, ci dajšli paštoŭki», — udakładniŭ jon.
Rymašeŭski zaklikaŭ usich pisać asudžanym: navat kali paštoŭki nie buduć pieradavać, heta budzie sihnał dla achoŭnikaŭ.
