Prezident ZŠA Donald Tramp pa vynikach 100 dzion svajho znachodžańnia va ŭładzie daŭ intervju ahienctvu Reuters. Pavodle Trampa, jon nie čakaŭ, što praca prezidentam ZŠA budzie dla jaho nastolki ciažkaj.
«Mnie padabałasia toje žyćcio, jakoje ŭ mianie było raniej. U im tak šmat usiaho adbyvałasia, — skazaŭ Tramp. — A ŭ hetym novym žyćci mnie davodzicca pracavać značna bolš, čym raniej. Ja dumaŭ, što budzie lahčej».
Zvyčajna prezidenty, jakija niadaŭna zajechali ŭ Bieły dom, bolš za ŭsio skardziacca na toje, što ŭ ich niama nijakaj mahčymaści zastacca adnym, i što ź ich žyćcia źnikła samo paniaćcie «privacy». Tramp kaža, što da adsutnaści pryvatnaści jon pryvyk daŭno, «jašče ŭ minułym žyćci» ekscentryčnaha miljardera, žanataha z supermadellu. Ale ŭsio roŭna, pavodle jaho słoŭ, dla jaho stała siurpryzam, nakolki mała prastory dla «asabistaha žyćcia» ŭ jaho jość na pasadzie prezidenta.
Pavodle Trampa, jon usio jašče pryvykaje da taho, što jaho 24 hadziny ŭ sutki achoŭvajuć supracoŭniki śpiecsłužbaŭ, i heta nakładaje peŭnyja abmiežavańni na toje, što jon moža i nie moža rabić.
«Ty žyvieš jak u kokanie, bo ciabie tak achoŭvajuć, što ty naohuł nikudy nie možaš pajści», — skazaŭ jon.
Tramp dadaŭ, što bolš za ŭsio sumuje pa mahčymaści samastojna kiravać mašynaj. «Ja chaču sam sieści za rul i kiravać mašynaj, ale mnie bolš nie dazvalajuć kiravać», — paskardziŭsia jon.
Tym nie mienš atačeńnie Trampa zaŭvažaje, što jon, niahledziačy na svaju pasadu, pa-raniejšamu praciahvaje mieć znosiny ź siabrami i kalehami z «minułaha žyćcia» i rehularna telefanuje im, kali jamu patrebna parada abo pazityŭnyja emocyi.
