Prysud pa kryminalnaj spravie byŭ abvieščany 30 maja.
Abvinavačanamu pryznačana pakarańnie ŭ vyhladzie abmiežavańnia voli na termin try hady biez nakiravańnia ŭ vypraŭlenčuju ŭstanovu — tak zvanaja «chatniaja chimija». Taksama mužčynu pazbavili prava zajmać pasady, źviazanyja z vykanańniem arhanizacyjna-rasparadčych abaviazkaŭ va Uzbrojenych Siłach i inšych voinskich farmiravańniach na 5 hadoŭ. Taksama jaho pazbavili vajskovaha zvańnia «małodšy siaržant».
Prysud suda nie ŭstupiŭ u zakonnuju siłu i moža być abskardžany.
Złačynstva było ździejśniena ŭ pieryjad słužby abvinavačanaha. Budučy na pasadzie małodšaha siaržanta, starasłužačy źbiŭ radavoha za toje, što toj nie pryšyŭ jamu huzik na bušłat. Fakt niestatutnych adnosin byŭ vyjaŭleny ŭ listapadzie minułaha hoda padčas pravierki.