Na litoŭskim kantrolnym pamiežnym punkcie ŭ Kibartaj (Čarnyšeŭskaje z rasijskaha boku ŭ Kalininhradskaj vobłaści) u čaćvier uviečary byŭ zatrymany rasijski vajskovy atrad, paviedamiŭ ahienctvu BNS pradstaŭnik pa suviaziach z hramadskaściu Słužby achovy dziaržaŭnaj miažy Litvy Hiedrus Mišucis.
Fota: DELFI / Domantas Pipas
Kala 21-j hadziny pamiežniki praviarali ŭ Kibartaj tranzitny ciahnik Kalininhrad — Maskva, jaki zajaždžaje ŭ Litvu z Kalininhradskaj vobłaści.
Razam z pamiežnikami ciahnik praviaraŭ i vajskoviec z Centra kantrolu nad pieramiaščeńniem litoŭskaha vojska.
«Pry praviercy dakumientaŭ vyśvietliłasia, što ŭ adnym kupe znachodziacca čaćviora rasijskich vajskoŭcaŭ u cyvilnym adzieńni», — paviedamiŭ BNS H. Mišucis.
Z dakumientaŭ stała jasna, što heta rasijskija vajskoŭcy, choć jany sami pra heta nie paviedamili.
Kali hrupa vajskoŭcaŭ z čatyroch abo bolš čałaviek jedzie tranzitam praź Litvu, jany ličacca vajskovym atradam, tamu dla ich patrabujecca dazvoł na prajezd praź Litvu. Takoha dazvołu ŭ rasijskich vajskoŭcaŭ nie było.
«Jany byli źniatyja ź ciahnika, pamiežniki napisali admovu ŭ dazvole pierasiekčy dziaržaŭnuju miažu», — paviedamiŭ BNS H. Mišucis.
Da paŭnočy rasiejskich vajskoŭcaŭ viarnuli na inšym ciahniku ŭ Kalininhradskuju vobłaść.
Rasijskija vajskovyja kamandy ŭ Litvie čaściej zatrymlivali dziesiać hadoŭ tamu. Zatrymańniaŭ takich kamandaŭ nie było ni sioleta, ni letaś.
