Fota Siarhieja Hudzilina
Pra heta skazaŭ na kruhłym stale ŭ BDU deputat Pałaty pradstaŭnikoŭ Ihar Marzaluk, paviedamlaje TUT.BY.
«Jość daručeńnie, budziem rychtavać materyjały. Heta budzie zbornik pa kurapackaj temie. Usio budzie padrychtavana, abjektyŭna, kab nie było insinuacyj. Na hetuju temu budzie kruhły stoł, ale pakul kankretnych rečaŭ niama — davajcie nie budziem detalizavać, — skazaŭ Ihar Marzaluk.
Dyrektar Instytuta historyi NAN Biełarusi Viačasłaŭ Daniłovič paćvierdziŭ, što jość takoje daručeńnie.
Adnak nijakich padrabiaznaściaŭ u Instytucie historyi pakul nie dajuć.
«U nas takoj infarmacyi jašče niama, tamu ničoha dakładna adkazać na hetaje pytańnie nie mahu. Dakładnaj infarmacyjaj vałodaje tolki dyrektar instytuta», — skazaŭ «Svabodzie» navukovy sakratar instytuta Andrej Sałaŭjanaŭ.
