Apublikavany štohadovy rejtynh samych darahich brendaŭ śvietu The BrandZ Global Top 100. Na pieršych piaci miescach raźmiaścilisia nastupnyja kampanii: Google, Apple, Microsoft, Amazon i Facebook, paviedamlajuć infarmahienctvy.
Pieršyja try miescy zastalisia niaźmiennymi ź minułaha hoda, Amazon padniaŭsia na čaćviortuju pazicyju ź siomaj, a Facebook zachavaŭ svajo piataje miesca.
Dachody lidzirujučych brendaŭ zajmajuć čverć ad dachodaŭ usich astatnich kampanij u topie. Składalniki rejtynhu adznačyli, što lidarami stali internet-hihanty, jakija pracujuć praktyčna va ŭsich krainach śvietu. Taksama jany pabudavanyja na mahutnych i inavacyjnych płatformach.
Pry składańni The BrandZ Global Top 100 uličvajucca finansavyja pakazčyki, źviazanyja z brendami, i ŭkład brendaŭ u budučy prybytak kampanii.
