Sud Dobrušskaha rajona pryhavaryŭ žychara rajcentra da 23 hadoŭ pazbaŭleńnia voli sa znachodžańniem u kałonii asablivaha režymu za zabojstva susieda z asablivaj žorstkaściu.
Zdareńnie adbyłosia ŭ pačatku studzienia 2017 hoda ŭ domie 62-hadovaha piensijaniera — invalida druhoj hrupy. Uviečary da jaho ŭ hości zajšoŭ biespracoŭny 50-hadovy susied. Mužčyny arhanizavali zastolle, razam vypivali, zatym uźnikła svarka. U paryvie hnievu haspadar doma schapiŭ mylicu i pačaŭ bić hościa. Zatym u spravu pajšoŭ zedlik.
Ad atrymanych traŭmaŭ paciarpieły pamior na miescy. Sudmiedekśpiertyza vyśvietliła, što śmierć mužčyny nastupiła ad čerapna-mazhavoj traŭmy, pierałomaŭ rebraŭ i pnieŭmatoraksu.
Piensijanier sam vyklikaŭ milicyju. U dačynieńni da jaho była zaviedzienaja kryminalnaja sprava pa fakcie zabojstva z asablivaj žorstkaściu asobaj, jakaja raniej užo ździajśniała zabojstva. Sprava ŭ tym, što ŭ svoj čas piensijanier za anałahičnaje złačynstva adbyvaŭ pakarańnie.
Akramia taho, sud pastanaviŭ padvierhnuć asudžanaha ŭ kałonii prymusovaha lačeńnia ad ałkahalizmu.
Prysud nie ŭstupiŭ u zakonnuju siłu i moža być abskardžany va ŭstanoŭlenyja zakanadaŭstvam terminy
