1. Historyja
Su-30SM — heta rasijski ciažki šmatmetavy źniščalnik čaćviortaha pakaleńnia. Svoj pieršy palot jon ździejśniŭ u 2012 hodzie. Historyja samalota pačynajecca z Su-30MKI, jaki pačaŭ raspracoŭvacca ŭ siaredzinie 90-ch śpiecyjalna dla VPS Indyi (MKI — madernizavany, kamiercyjny, indyjski). U svaju čarhu, źniščalnik Su-30 — heta vynik hłybokaj madernizacyi źniščalnika Su-27, jakaja pačałasia jašče ŭ Savieckim Sajuzie (1988 hod).
2. Sučasny źniščalnik
Na siońnia Su-30SM ličycca adnym z najlepšych źniščalnikaŭ u śviecie, hetuju mašynu pa pravie možna nazvać viaršyniaj raźvićcia liniejki samalotaŭ Su-27. Źniščalnik Su-30SM zdolny dziejničać unačy i pry lubych umovach nadvorja, jon moža nie tolki źbivać samaloty supiernika, ale i źniščać naziemnyja celi, a taksama pravodzić pavietranuju raźviedku i davać ŭkazańnie celaŭ inšym samalotam hrupy (u tym liku i bambavikam Su-34).
3. Źjaŭlajecca šmatmetavym samalotam
SU-30SM zdolny nie tolki vieści pavietrany boj i paražać sučasnyja i pierśpiektyŭnyja samaloty supiernika ŭ ramkach apieracyj pa zavajavańni panavańnia ŭ pavietry, ale i nanosić udary pa naziemnych mabilnych ci stacyjanarnych celach praciŭnika.
4. Vartaści
Adnoj z hałoŭnych vartaściaŭ Su-30SM jość jaho zvyšmanieŭranaść, vysokaja stupień jakoj dasiahajecca za košt ruchavikoŭ z kiravanym viektaram ciahi. Ale samaj hałoŭnyj razynkaj ličycca kabina Su-30SM. Samalot abstalavany bartavoj radyjoelektronnaj stancyjaj z fazavanaj antennaj rašotkaj, što dazvalaje jamu vyjaŭlać i vieści piatnaccać pavietranych abjektaŭ i adnačasova atakavać čatyry ź ich. U Su-30SM vykarystanaja sistema našlemnaha celeŭkazańnia, a taksama indykacyja na łabavym škle. Akramia taho, kabiny piłotaŭ abstalavanyja šmatfunkcyjanalnymi vadkakryštaličnymi ekranami. Usio heta zabiaśpiečvaje lotčykam vysoki ŭzrovień daśviedčanaści ab pavietranym stanoviščy.
5. Ličby
Maksimalnaja chutkaść SU-30SM składaje 2125 km/h, bajavy radyus dziejańnia — 1500 km. Dla źniščalnikaŭ Mih-29, jakija ciapier znachodziacca na ŭzbrajeńni biełaruskaj armii, hetyja pakazčyki składajuć adpaviedna 2450 km/h i 700 km. SU-30SM kaštuje našmat bolš za Mih-29 — $50 miljonaŭ suprać $22 miljonaŭ.