«Bavaryja» maje namier uziać u arendu paŭabaroncu «Reała» Chamiesa Radryhiesa. Uhoda budzie zavieršana paśla taho, jak kłuby ŭzhodniać termin arendy.
AFLO
«Reał» płanavaŭ pradać kałumbijca ŭ mižsiezońnie, adnak nivodny z kłubaŭ nie prapanavaŭ za hulca €80 młn. «Bavaryja» taksama nie stała vykuplać futbalista, adnak prapanavała varyjant z arendaj futbalista.
Niemcy chočuć uziać Chamiesa ŭ arendu na dva hady z pravam nastupnaha vykupu, adnak «Reał» hatovy adpuścić Radryhiesa tolki na adzin siezon. Košt arendy za hety hod składzie €15 młn, pry hetym «Bavaryja» atrymaje prava vykupu. Akład za siezon Chamiesu budzie vypłačvać jaho novy kłub.
Kantrakt Chamiesa z «Reałam» raźličany da 2020 hoda. Kłub pačaŭ šukać varyjanty prodažu hulca jašče ŭ minułym siezonie paśla taho, jak Chamies pierastaŭ prachodzić u asnovu kłuba.
«Reał» raniej u mižsiezońnie padpisaŭ kantrakt z Dani Siebalasam, jaki hulaje na pazicyi Chamiesa. Paśla hetaha trenier kamandy Ziniedzin Zidan paprasiŭ kiraŭnictva kłuba znajści varyjant pierachodu kałumbijca ŭ inšy kłub užo hetym letam.
