Reuters.com
U Japonii va ŭzroście 105 hadoŭ pamior doktar Siheaki Chinachara, jaki pracavaŭ da samaha kanca žyćcia. Pra heta paviedamlaje japonski telekanał NHK.
Chinachara naradziŭsia ŭ 1911 h. Z 1941 hoda jon pracavaŭ terapieŭtam u Mižnarodnaj klinicy Śviatoha Łuki ŭ Tokia. U chodzie karjery jon damohsia pasady hałoŭnaha doktara kliniki i staršyni rady dyrektaraŭ. U 1995 hodzie na 84-m hodzie žyćcia jon asabista pryniaŭ udzieł u akazańni dapamohi paciarpiełym u vyniku teraktu z vykarystańniem zarynu ŭ takijskim mietro.
Niahledziačy na svoj uzrost, Chinachara vioŭ aktyŭnuju dziejnaść i byŭ papularyzataram zdarovaha ładu žyćcia. U 90 hadoŭ jon apublikavaŭ ese «Žyć z umieńniem», što razyšłosia nakładam 1,2 młn asobnikaŭ. U tym ža uzroście jon vyprabavaŭ siabie ŭ jakaści dyryžora arkiestra. Chinachara rehularna ładziŭ muzyčnyja viečary ŭ svajoj balnicy. 105-y dzień naradžeńnia jon adznačyŭ pajezdkaj na Tajvań.
Chinachara byŭ prychilnikam dyjety i pazityŭnaha staŭleńnia da žyćcia, jakoje jon ličyŭ załoham daŭhalećcia.
«Budźcie aptymistami. Rabicie toje, što vam chočacca. Naprykład, niekatoryja chvalujucca z-za taho, što nie atrymałasia dobra vyspacca nočču, ale, pa vialikim rachunku, niedasypańnie - nie takaja ŭžo prablema - chutčej prablemaj źjaŭlajecca samo pierajmańnie z hetaj nahody», — cytuje jaho słovy časopis Nipponia.
Pryčynaj śmierci doktara, paviedamlaje NHK, stała dychalnaja niedastatkovaść. Spačuvańni ŭ suviazi ź jaho śmierciu vykazaŭ urad Japonii.
