Alaksandr Łukašenka raźličvaje na vychad biełaruska-indyjskich adnosin na jakasna novy ŭzrovień. Pra heta jon zajaviŭ na pieramovach ź ministram zamiežnych spraŭ Sušmaj Svaradž padčas aficyjnaha vizitu ŭ Indyju, pieradaje BIEŁTA.
«Mnie sapraŭdy pryjemna być u hetaj cudoŭnaj krainie. Ja ščyra liču, što Indyja — vielmi pierśpiektyŭnaja kraina, jakaja ŭžo ŭ najbližejšaj budučyni, u naš z vami čas, budzie vyznačać i budučyniu našaj płaniety, — skazaŭ kiraŭnik dziaržavy. - Chaciełasia b, kab ministerstva zamiežnych spraŭ Indyi i Biełarusi stali praŭdzivymi matorami raźvićcia, nadańnia dynamiki našym adnosinam».
Łukašenka ŭpeŭnieny, što kali dva ministry voźmuć na siabie hetuju funkcyju, syhrajuć svaju rolu va ŭmacavańni dvuchbakovych adnosin, to ŭ bližejšyja hady Biełaruś i Indyja vyjduć na vielmi vysoki ŭzrovień adnosin. «A ŭ nas jość što prapanavać adzin adnamu», — zaŭvažyŭ jon.
