Hałoŭny mietałurh Minskaha traktarnaha zavoda (MTZ) Andrej Karaś zatrymany pry atrymańni chabaru. Pra heta paviedamlaje pres-słužba Kamiteta dziaržbiaśpieki Biełarusi.
KDB u ramkach baraćby z karupcyjaj i ekanamičnymi złačynstvami zatrymany pry atrymańni chabaru pamieram 2,8 tys. dalaraŭ ad staršyni praŭleńnia ŭkrainskaha «Zavoda uciažarvalnikaŭ» Alaksandra Skiby hałoŭnaha mietałurha MTZ Andreja Karasia. U jakaści pasiarednika pry atrymańni chabaru vystupaŭ syn Karasia.
Taksama zadakumientavany fakt atrymańnia chabaru ad pradstaŭnikoŭ kamiercyjnych struktur pamieram 1,7 tys. dalaraŭ načalnikam ŭpraŭleńnia materyjalna-techničnaha zabieśpiačeńnia MTZ V. Miazhoj.
Usiaho ŭstanoŭlena bolš za 20 faktaŭ karupcyjnaj dziejnaści słužbovych asob MTZ na ahulnuju sumu bolš za 40 tys. dalaraŭ, havorycca ŭ paviedamleńni KDB. U dačynieńni da supracoŭnikaŭ pradpryjemstva raspačatyja kryminalnyja spravy pa art. 430 KK (Atrymańnie chabaru), u dačynieńni da Skiba - pa č. 2 art. 431 KK (Dača chabaru).
Usie fihuranty karupcyjnych schiem zatrymanyja. U dačynieńni da ich prymieniena miera strymańnia ŭ vyhladzie ŭtrymańnia pad vartaj. Dla dalejšaj vytvorčaści kryminalnyja spravy pieradadzienyja ŭ Śledčy kamitet Biełarusi.
