Žurnalisty The New York Times i CNN pahutaryli z Anastasijaj Vašukievič (Nastaj Rybkaj), jakaja znachodzicca ŭ turmie ŭ Tajłandzie i jakaja źviarnułasia z prośbaj ab pradastaŭleńni palityčnaha prytułku ŭ ZŠA.
Pa słovach Vašukievič, jana zapisvała razmovy pamiž biznesmenam Aleham Dzierypaskam i jaho paplečnikami. Jana śćviardžaje, što maje ad 16 da 18 hadzin aŭdyjazapisaŭ, u jakich havorka idzie i ab vybarach prezidenta ZŠA ŭ 2016 hodzie.
«Jany abmiarkoŭvali vybary. U Dzierypaski byŭ płan pa vybarach», — skazała Vašukievič.
Niekatoryja z hetych razmovaŭ byli z tryma ludźmi, jakija havaryli na anhlijskaj i, na jaje dumku, źjaŭlajucca amierykancami. Jana dadała, što nie moža raskazać ŭsio. Vašukievič zaŭvažyła, što havorka idzie nie tolki pra jaje, ale i pra mnohich ludziej u inšych krainach.
Raniej paviedamlałasia, što amierykanskaje pasolstva ŭ Minsku nie zmoža zadavolić prośbu Anastasii Vašukievič ab prytułku ŭ ZŠA.
