Śviatłana Sachonienka i viadučy Raman Jaščanka (na fota sprava) — ź bijatłonnaj bronzaj Hulniaŭ u Pchienčchanie. Fota: Alaksiej Kavaloŭ, «Spartyŭnaja panarama»
Śviatłana Sachonienka vyjhrała łyžnuju honku na 15 km volnym stylem siarod spartsmienak u katehoryi V2 dla atletaŭ z parušeńniami zroku.
Heta ŭžo druhi miedal Sachonienka na ciapierašnich Paralimpijskich hulniach. Raniej jana zavajavała bronzu ŭ bijatłonie, staŭšy treciaj u spryncie na 6 km.
Miedalnaja skarbonka biełaruskaj kamandy papoŭniłasia siońnia taksama srebnaj uznaharodaj. Jaje zdabyŭ Juryj Hołub u łyžnaj honcy na 20 km u katehoryi V3 dla spartsmienaŭ z parušeńniami zroku.
Heta jaho druhoje srebra na hetych Hulniach. Raniej jon vyjhraŭ takuju ž uznaharodu ŭ bijatłonie, staŭšy druhim u spryncie na 7,5 km.
Usiaho ŭ aktyvie biełaruskich paralimpijcaŭ u Pchienčchanie ŭžo 6 miedaloŭ (1 załaty, 3 siarebranyja, 2 bronzavyja) i 9-je miesca ŭ miedalnym zaliku.
