Pazafrakcyjny deputat Andrej Dzienisienka na nastupnym tydni płanuje zarehistravać u Viarchoŭnaj Radzie prapanovu pierajmienavać Dnieprapiatroŭskuju vobłaść u Sičasłaŭskuju, piša Ukrainskaja praŭda.
«U mianie na rukach 150 podpisaŭ narodnych deputataŭ pad prajektam źmianieńniaŭ u Kanstytucyju Ukrainy — za pierajmienavańnie Dnieprapiatroŭskaj vobłaści na Sičasłaŭskuju. Z roznych frakcyj i hrup, akramia Apazicyjnaha błoka», - napisaŭ jon u Facebook.
Jon ličyć, što «sumiesnymi namahańniami hramadskaści, navukoŭcaŭ i dziejačaŭ kultury, jakija inicyjavali hety praces, i narodnych deputataŭ kraj piaci siečaj narešcie atrymaje hodnuju nazvu, pazbavicca klajma proźvišča adnaho z arhanizataraŭ Haładamoru».
Dva hady tamu ŭ ramkach pracesu dekamunizacyi horad Dnieprapiatroŭsk, nazvany ŭ 1926 h. u honar savieckaha dziejača Hryhoryja Piatroŭskaha, byŭ pierajmienavany ŭ Dniepr, a voś nazva vobłaści pakul zastałasia.