48-hadovy niemiec, jaki 7 krasavika ŭrezaŭsia ŭ natoŭp ludziej u horadzie Miunstary (Hiermanija), nie mieŭ saŭdzielnikaŭ i nie byŭ źviazany z terarystyčnymi hrupoŭkami. Pra heta paviedamlaje Reuters sa spasyłkaj na ministra ŭnutranych spraŭ Paŭnočnaha Rejna-Viestfalii Hierbierta Reuła.
«Ciapier my viedajem, što całkam vierahodna, heta adziny vinavaty, niemiec. Jość šmat ukazańniaŭ na toje, što hetaja asoba mieła psichičnyja adchileńni. Heta nieabchodna staranna rasśledavać», — zajaviŭ ministr padčas ušanavańnia pamiaci zahinuŭšych.
Taksama Reuł paviedamiŭ, što nie było nijakich prykmiet suviazi ź isłamisckimi bajavymi dziejańniami i padazravany nie byŭ biežancam.
7 krasavika ŭ niamieckim horadzie Miunstar ŭ natoŭp ludziej urezaŭsia hruzavik. Za rulom hruzavika znachodziŭsia psichična niestabilny niemiec Jens R.
U vyniku najezdu prykładna 20 čałaviek atrymali ranieńni, šaściora paciarpiełych znachodziacca ŭ krytyčnym stanie. Pa abnoŭlenych dadzienych, zahinuli try čałavieki, u tym liku kiroŭca hruzavika.
