Na minułym tydni stała viadoma pra «źniknieńnie» staršyni Homielskaha rajvykankama Alaksandra Sitnicy. Nichto z pradstaŭnikoŭ pravaachoŭnych orhanaŭ nie kamientavaŭ hetuju infarmacyju. Tolki pres-słužba Homielskaha abłvykankama paviedamiła ab zvalnieńni Sitnicy «za prahuły». Jak stała viadoma TUT.BY, ślady byłoha čynoŭnika znajšlisia ŭ Rasii.
Pa słovach krynic, Sitnica spačatku pajšoŭ na balničny, a potym pierastaŭ vychodzić na pracu. U hety ž čas da jaho ŭźnikli pytańni ŭ siłavikoŭ.
Nieŭzabavie čynoŭnik byŭ abvieščany ŭ vyšuk. U kancy minułaha tydnia jaho zatrymali ŭ Rasii, paviedamili tut.by dźvie krynicy. Paćvierdzić hetuju infarmacyju ŭ pravaachoŭnych orhanach Biełarusi nie ŭdałosia.
U MUS paraili sačyć za paviedamleńniami na aficyjnym sajcie viedamstva.
Na minułym tydni syn Sitnicy skazaŭ, što siamja zaŭsiody žyła «na svaje hrošy». Što da mahčymych pretenzij siłavikoŭ, to ličyć, što «jany ničoha nie znojduć». «Dumaju, navat kali budzie sud, jaho apraŭdajuć», — skazaŭ jon.
Alaksandr Sitnica uznačalvaŭ Homielski rajvykankam z 2009 hoda.
