Apieratar suviazi «Biełtelekam» nahadaŭ, što navalnica moža parušyć pracu chatniaha madema abo TB-prystaŭki. Śpiecyjalisty techničnaj padtrymki kampanii rekamiendujuć adklučać padčas navalnicy hetyja pryłady.
«Mietearałahičnyja źjavy stvarajuć elektramahnitny impuls, źjaŭlajecca mahutnaja šyrokapałosnaja pieraškoda, jakaja ŭździejničaje jak na pracu biazdrotavych pryboraŭ (Bluetooth, Wi-Fi), tak i na pracu elektryčnych sietak», — havorycca ŭ paviedamleńni kampanii.
Siarod ahulnych rekamiendacyj na čas navalnicy — adklučyć elektraprybory, a pry mahčymaści — i elektrasiłkavańnie, začynić vokny i fortki.
«Śpiecyjalisty techničnaj padtrymki RUP «Biełtelekam» rekamiendujuć adklučać padčas navalnicy mademy i prystaŭki. Nie zrabiŭšy hetaha, paśla niepahadzi vy možacie zaŭvažyć, što abstalavańnie nie pracuje. Pasprabujcie ŭklučyć jaho ŭ inšuju razietku abo skinuć nałady da zavodskich. Kali hetyja dziejańni nie dapamahajuć, źviarniciesia ŭ servisny centr kampanii dla zamieny prystaŭki ci madema», — pišuć śpiecyjalisty.
Pradstaŭniki kampanii nahadali, što punkt ab navalnicy jość u «Paradku akazańnia pasłuh», ź jakim zhadžajucca ŭsie abanienty kampanii: «kab paźbiehnuć paškodžańniaŭ kancavoha abstalavańnia, pradastaŭlenaha apierataram, vyklikanych upłyvam mietearałahičnych źjaŭ (navalničnyja razrady i da t.p.), abanient pavinien vyklučać kancavoje abstalavańnie ź sietki elektrasiłkavańnia pry ŭźniknieńni takich źjaŭ».
