Čałaviek, jaki napaŭ viečaram u subotu na minakoŭ u centry Paryža — vychadziec z Čačni va ŭzroście kala 20 hadoŭ, pieradaje radyjostancyja Europe 1 sa spasyłkaj na ŭłasnyja krynicy.
Fota: AP / Thibault Camus
«Palicyjanty zmahli vyznačyć imia napadnika ŭ druhoj akruzie Paryža. <…> Pa infarmacyi Europe 1, havorka idzie pra vychadca z Čačni prykładna 20-hadovaha ŭzrostu», — cytuje ria.ru paviedamleńnie radyjostancyi.
Adznačajecca, što małady čałaviek nie mieŭ pry sabie nijakich dakumientaŭ, «ale śledčyja ŭstanavili jaho asobu pa adbitkach palcaŭ».
Jak paviedamlałasia, incydent adbyŭsia napiaredadni viečaram u druhoj akruzie francuzskaj stalicy niedaloka ad Paryžskaj opiery, dzie znachodzicca šmat baraŭ i restaranaŭ. Mužčyna napaŭ z nažom na minakoŭ, u vyniku adzin čałaviek ad atrymanych ranieńniaŭ pamior. Jašče čaćviora paciarpieli, dvoje ź ich špitalizavanyja ź ciažkimi traŭmami. Palicyja likvidavała złamyśnika.
Adkaznaść za napad ŭziała na siabie terarystyčnaja hrupoŭka «Isłamskaja dziaržava», adznačajuć francuzskija ŚMI.
