Pra heta Alaksandr Łukašenka zajaviŭ siońnia na sustrečy z premjer-ministram Armienii Nikołam Pašynianam na palach pasiadžeńnia ŭ Sočy Najvyšejšaha Jeŭrazijskaha ekanamičnaha savieta.
«Ja čakaŭ hetaj sustrečy. Nam sapraŭdy varta parazmaŭlać. Naŭrad ci my kanceptualna paśpiejem na karotkaj nazie abmierkavać usie prablemy, jakija ŭ śviecie isnujuć, vakoł nas. Nie dumaju, što ŭ našych adnosinach jość ci buduć niejkija prablemy», - skazaŭ Alaksandr Łukašenka.
Łukašenka vykazaŭ hatoŭnaść padrabiazna raskazać novamu premjeru Armienii ab raźvićci adnosin pamiž dźviuma krainami, dziejnaści Jeŭrazijskaha ekanamičnaha sajuza. «Vielmi važna, kab vy ad mianie pačuli toje, što tyčycca Biełarusi i našaha staŭleńnia da bratniaha armianskaha naroda i vašaj dziaržavy. Tamu heta vielmi važnaja sustreča, - zajaviŭ biełaruski lidar.
— Naohuł, vy małajcy. Vy vielmi hodna i pravilna vyjšli z hetaj situacyi, vy heta sami ŭžo adčuli. My rady za vas».
Alaksandr Łukašenka dadaŭ, što niadaŭna abmiarkoŭvaŭ z prezidentam Armienii raźvićcio situacyi ŭ Jerevanie. Było pryniata rašeńnie nakiravać tudy biełaruskich žurnalistaŭ dla abjektyŭnaha, biez skažeńnia aśviatleńnia padziej. «Ja vielmi ŭdziačny i jamu, i vam, i vašym ludziam. Našy žurnalisty razmaŭlali z pradstaŭnikami vašaha štaba i atrymali abjektyŭnuju karcinu», — kanstatavaŭ Łukašenka.
Jon jašče raz pavinšavaŭ Nikoła Pašyniana z vybrańniem premjer-ministram Armienii i pažadaŭ pośpiechaŭ na hetaj pasadzie. «Na nas vy možacie raźličvać, jak i raniej. Naša palityka ŭ dačynieńni da vielmi blizkaha nam armianskaha naroda nikoli nie źmienicca. Heta ja vam abiacaju. Jana budzie takoj ža kanstruktyŭnaj, siabroŭskaj», — zapeŭniŭ jon.
