Prakuratura zaprasiła 6 hadoŭ pazbaŭleńnia voli dla byłoha supracoŭnika Maskoŭskaha RAUS Bresta, jaki abvinavačvajecca ŭ pieravyšeńni ŭłady i słužbovych paŭnamoctvaŭ. Pra heta Tut.by raspaviała maci adnaho z paciarpiełych Raisa Kalada.
Alaksandr Ziechaŭ u špitali paśla naviedvańnia apornaha punkta. Fota: pravaabarončy sajt «Bieraściejskaja viasna».
Pradstaŭnik paciarpiełaha Alaksandra Ziechava ličyć spraviadlivym dla abvinavačanaha bolšy termin pakarańnia — u sprečkach jon kazaŭ pra 10 hadoŭ pazbaŭleńnia voli. Paciarpieły Siarhiej Kalada pakinuŭ vyznačeńnie terminu pakarańnia na vyrašeńnie sudździ.
Pa viersii śledstva, abvinavačany «u hrupie ź nievyśvietlenymi asobami» źbiŭ dvuch žycharoŭ Bresta, jakich dastavili ŭ aporny punkt milicyi za znachodžańnie ŭ hramadskim miescy ŭ stanie apjanieńnia.
Jaho abvinavačvajuć u pieravyšeńni ŭłady i słužbovych paŭnamoctvaŭ, źviazanym z hvałtam i prymianieńniem śpiecsrodkaŭ. Sankcyja artykuła praduhledžvaje pazbaŭleńnie voli na termin ad troch da dziesiaci hadoŭ. Abvinavačany siabie vinavatym nie pryznaŭ.
