Siarhiej Čały paciarpieŭ u vyniku «banalnaj pjanaj bojki». Ab hetym kiraŭnik MUS Ihar Šunievič zajaviŭ u efiry telekanała «Biełaruś 1».
— Śpiašajusia rasčaravać usich tych, chto sprabavaŭ padvieści podbiŭku pad šarahovaje złačynstva, u tym liku i samoha paciarpiełaha, — adznačyŭ Šunievič i zajaviŭ, što Siarhiej Čały paciarpieŭ u vyniku pjanaj bojki.
Chto byŭ jaje inicyjataram, zajaviŭ Šunievič, vyśvietlić śledstva. Jon nie vyklučyŭ, što raspačataja kryminalnaja sprava skončycca sudom.
— Fakt zastajecca faktam — banalnaja pjanaja bojka dźviuch kampanij, — jašče raz paŭtaryŭ Šunievič.
Jon raspavioŭ, što złačynstva ŭdałosia raskryć pa haračych śladach, dziakujučy zapisam z kamier videanazirańnia. Usie ŭdzielniki kanfliktu byli vyśvietlenyja i zatrymanyja.
