Prezident Jeŭrapiejskaj Rady Donald Tusk zajaviŭ, što nie bačyć mahčymaści dla viartańnia Rasii ŭ hrupu Vialikaj vaśmiorki (G8), niahledziačy na zajavy ZŠA i Italii. Pra heta jon zajaviŭ u piatnicu, 8 červienia, na pres-kanfierencyi ŭ Kanadzie pierad pačatkam samitu krain Vialikaj siamiorki (G7), pieradaje Jeŭrapiejskaja praŭda.
«Ab śpiekulacyjach pra G6+1, G7-1 abo G7+1. Pakiniem G7, jakoj jana jość. Heta ščaślivaja ličba, pa mienšaj miery ŭ našaj kultury», — skazaŭ Tusk.
Jon taksama vykazaŭ nadzieju, što ŭsie lidary G7 buduć prytrymlivacca ahulnaj pazicyi ŭ dačynieńni Rasii.
Rasiju vyklučyli ź Vialikaj vaśmiorki ŭ 2014 hodzie paśla aneksii Kryma i vajennaj ahresii na Danbasie. Zamiest G8 viarnuli ŭ farmat G7 — ZŠA, Vialikabrytanija, Kanada, Japonija, Francyja, Italija i Niamieččyna.
Čytajcie taksamaa:
Tramp: Rasija pavinna prysutničać na samitach G7
Mierkiel: Viartańnie Rasii ŭ skład G8 niemahčymaje
