Napiaredadni 136-ha dnia naradžeńnia pomnik biełaruskamu kłasiku vyrašyli pamyć — ačyścić ad brudu i nalotu času, piša Tut.by.
Klininhavaja kampanija «Atalian» zrabiła heta z dapamohaj adździaleńnia dzionnaha znachodžańnia dla ludziej ź invalidnaściu CSZN Maskoŭskaha rajona Minska i hramadskaha abjadnańnia «Soniečnaje koła».
Pomnik pamyli pyłasosam vysokaha cisku, jaki daje vialiki napor vady. Pry hetym prymianiajecca śpiecyjalny srodak dla myćcia, jakoje dazvalaje źniać usie pryrodnyja adkłady.
Zatym za spravu ŭzialisia padapiečnyja centra sacyjalnaha absłuhoŭvańnia nasielnictva, što čyścili pastamient pomnika.
Pavodle słoŭ zahadčycy adździaleńnia dzionnaha znachodžańnia Viery Vasiljevaj, jakaja supravadžała ŭdzielnikaŭ, hetaj akcyi jany čakali ŭvieś tydzień: rychtavalisia, vučyli vieršy Janki Kupały.
— Našy maładyja ludzi ź invalidnaściu nidzie nie pracujuć, pakolki nie mohuć pracaŭładkavacca ŭ siłu svaich asablivaściaŭ. Sacyjalny ŭdzieł u žyćci horada — heta krutaja reč. Jany mohuć tut papracavać, adčuć svaju značnaść i nieabchodnaść. A kulturnaja prahrama jašče čakaje nas dalej.
