Fota Darji Burakinaj
U pieršym paŭhodździ biełarusy atrymali praz Technabank pa čekach Tax Free 1 miljon 270 tysiač jeŭra, paviedamili ŭ banku. Hetaja suma na 290 tysiač jeŭra mienšaja, čym za anałahičny pieryjad 2017-ha hoda.
Pa čekach kampanii Global Blue siaredniaja suma vypłat skłała 16,45 jeŭra (hod tamu - 18,11 jeŭra).
Biełarusy taksama majuć vypłaty pa čekach Tax Free praz Technabank pa sistemach Premier (siaredniaja suma vypłat - 32,37 jeŭra), a taksama praz takija sistemy, jak Innova (19,62 jeŭra), Litofolija (15,05 jeŭra) i Tax Card ( 36,71 jeŭra).
Nahadajem, da hetaha atrymanyja biełarusami sumy pa čekach Tax Free praz Technabank skaračalisia na praciahu niekalkich hadoŭ. Tak, u minułym hodzie atrymali 3 miljony 71,9 tysiačy jeŭra, u 2015 hodzie - 4 miljony jeŭra, 2014-m hodzie - na 5 miljonaŭ jeŭra, a ŭ 2013-m hodzie - «krychu bolš čym na 5 miljonaŭ jeŭra».
