Pravaachoŭniki zatrymali pry atrymańni chabaru dyrektara AAT «Škłozavod «Nioman» i načalnika adnaho z upraŭleńniaŭ pradpryjemstva, paviedamlaje pres-słužba MUS.
«Słužbovyja asoby atrymali chabar ad pradstaŭnika kamiercyjnaj struktury ŭ pamiery 2,4 tys. i 1,2 tys. dalaraŭ ZŠA adpaviedna. Niezakonnaje ŭznaharodžańnie naležała za arhanizacyju svoječasovych i pryjarytetnych pastavak firmie škłavaty pavodle raniej zaklučanaj damovy», — paviedamili ŭ viedamstvie.
Pavodle źviestak milicyi, zatrymanyja atrymlivali chabar na sistemnaj asnovie. Suma ŭznaharodžańnia zaležała ad abjomu pradukcyi.
Śledčy kamitet u dačynieńni da słužbovych asob škłozavoda i pradstaŭnika kamiercyjnaj struktury raspačaŭ kryminalnyja spravy. Praciahvajucca śledčyja dziejańni i apieratyŭna-vyšukovyja mierapryjemstvy, nakiravanyja na vyśviatleńnie ŭsich faktaŭ supraćpraŭnaj dziejnaści zatrymanych asob.
