Žoŭtyja vazy na histaryčnaj balustradzie na praśpiekcie Niezaležnaści sioleta pierafarboŭvać nie buduć. Heta zrobiać na 1 maja 2019 hoda, paviedamili Tut.by ŭ «Harremaŭtadary».
U mai hetaha hoda vazy na histaryčnaj balustradzie ŭ rajonie cyrka pafarbavali ŭ nieŭłaścivy im žoŭty koler. Adnym minčukam takoje rašeńnie spadabałasia, a inšyja skłali pietycyju suprać. Sprava ŭ tym, što pierafarboŭka vaz ŭ žoŭty koler parušyła kampazicyju praśpiekta i pieršapačatkovuju architekturnuju ideju.
Tamu jašče ŭ mai kamitet architektury Minharvykankama vysłaŭ u «Harramaŭtadar», na bałansie jakoha znachodzicca balustrada, zahad na likvidacyju parušeńniaŭ. «Harramaŭtadar», u svaju čarhu, źviarnuŭsia pa rekamiendacyi ŭ Ministerstva kultury.
Minkult prapanavaŭ darahoje rašeńnie pa adnaŭleńni farbavalnaha słoja, na jaki ŭžo patracili biudžetnyja hrošy ŭ hetym hodzie. U tym liku tamu kiraŭnictva horada vyrašyła, što da nastupnaha hoda vazy čapać nie buduć.
