U chodzie ranišnich tarhoŭ na Maskoŭskaj biržy rasijski rubiel praciahnuŭ padzieńnie adnosna dalara. Amierykanskaja valuta pakazvaje rekordnyja značeńni.
Pa stanie na 11:59 za adzin dalar na biržy dajuć 68,77 rubla, vynikaje z dadzienych Maskoŭskaj biržy. Apošni raz na hetych uzroŭniach para dalar-rubiel tarhavałasia ŭ krasaviku 2016 hoda.
Papiarednija łakalnyja maksimumy dalar pakazaŭ 13 žniŭnia, tady jaho najvyšejšaja cana skłała 68,66.
Jeŭra tarhujecca pa stanie na 11:59 pa 79,49 rubla.
Rastuć dalar i jeŭra i na tarhach u Minsku.
Amierykanskaja valuta vyrasła na 0,0127 da 2,0553 biełaruskaha.
Jeŭra vyras na 0,0116 da 2,3765.
A voś rasijski rubiel upaŭ nižej za try rubli. Rasijskaja valuta tańnieje na 0,0218 da 2,9987 biełaruskaha za 100 rasijskich.
Apošni raz rasijskija hrošy kaštavali tak tanna ŭ listapadzie 2016 hoda.
