24 žniŭnia 2018 na darozie ź Litvy ŭ Polšču (Kaŭnas — Suvałki) mabilnaja bryhada supracoŭnikaŭ litoŭskaj mytni spyniła dla pravierki zvyčajnuju z vyhladu furu na biełaruskich numarach, piša euroby.info.
Pa dakumientach mašyna ruchałasia ŭ Hiermaniju, a voś zamiest zajaŭlenych draŭlanych paddonaŭ pieravoziła vielizarnuju kantrabandu cyharet vytvorčaści Biełarusi.
Mašyna viezła na Zachad cyharety «Fest», «NZ», «Minsk» ź biełaruskimi akcyznymi markami ŭ kolkaści 11 miljonaŭ 650 tysiač štuk. Tolki ŭ Litvie tavar byŭ acenieny na sumu bolš za 1,8 miljona jeŭra, u Hiermanii hetaja ličby pavialičyłasia b jašče bolš.
Biełaruski kiroŭca byŭ aryštavany papiarednie na 1 miesiac, choć viadoma zrazumieła, što arhanizatary «biznesu» takoha maštabu za rul sami nie sadziacca i, naohuł, pahartaŭšy historyju kantrabandy biełaruskich cyharet možna ŭbačyć, što takija «biznesmieny» nie sadziacca.
