Na Ałtai palicyja zatrymała nastajaciela chrama Bohajaŭleńnia Haspodniaha ŭ siale Čaremnaje pa padazreńni ŭ zhvałtavańni niepaŭnaletniaj, paviedamili TASS u MUS.
«Śviatar padazrajecca ŭ tym, što viečaram 20 lipienia ŭ Barnaule na bierazie raki Ob ździejśniŭ hvałtoŭnyja dziejańni seksualnaha charaktaru ŭ dačynieńni da dziaŭčynki 2005 hoda naradžeńnia, vučanicy siaredniaj škoły», — raspaviali ŭ viedamstvie.
Mužčynu pahražaje da 20 hadoŭ pazbaŭleńnia voli, bo paciarpiełaja nie dasiahnuła 14-hadovaha ŭzrostu.
Nastajacielem chrama źjaŭlajecca protaijerej Andrej Kisialoŭ. Pa dadzienych sajta abščyny, u vieraśni jamu spaŭniajecca 50 hadoŭ. U 80-ch paśla zakančeńnia škoły Kisialoŭ adsłužyŭ u vojsku. Zatym vučyŭsia ŭ Ałtajskim dziaržaŭnym univiersitecie na bijołaha. Śviatarski san jon pryniaŭ u śniežni 1995 hoda.