Jak stała viadoma «Našaj Nivie», z 14 vieraśnia Jaŭhien Rudy — šmathadovy kiraŭnik «Barchima» — bolš nie budzie dyrektaram pradpryjemstva.
Fota http://www.nashkraj.by
Znajomyja ź situacyjaj ludzi ličać heta inercyjaj skandała ŭ Oršy, kali Łukašenka skopam pazbaviŭsia mnostva nieefiektyŭnych mieniedžaraŭ.
Maŭlaŭ, pry Rudym zavod taksama pieryjadyčna buksavaŭ: składy zavalenyja pradukcyjaj, «Mara» abychodzić «Barchim» u baraćbie za ŭnutrany rynak, zarobki nievialikija navat adnosna Baranavičaŭ.
Chto budzie novym kiraŭnikom pakul nieviadoma, «Biełresursy» (upraŭlajučaja kampanija chołdynha) šukaje novaha dyrektara, jaki zmoh by raźviazać prablemy pradpryjemstva.
Taksama viadoma, što pry Rudym byli sproby pryvatyzacyi zavoda, ale jany abryvalisia Dziaržkantrolem.
Sprava ŭ tym, što na terytoryi zavoda ŭžo bolš za 20 hod stajać niedaroblenyja budynki, jakija niekali ŭzvodzilisia dla pašyreńnia vytvorčaści, ale z kryzisam pieratvarylisia ŭ niepatrebny bałast.
I voś, kali inviestary — siarod jakich byli navat niemcy — nazyvali svaju canu, to Dziaržkantrol nazyvaŭ jaje zanižanaj, dadajučy sumu za niedabudavanyja karobki, a heta kala $1,7 miljona.
Viadoma, što inviestary nie chacieli pierapłačvać za niepatrebnaje, i ŭhody zryvalisia.
