Čempijanat kocicca da raźviazki, i ŭ im zastajecca ŭsio mienš intryh. Hałoŭnyja ź ich — heta chto apyniecca razam z BATE na pjedestale i chto vylecić z «vyški» razam z «Dniaprom».
BATE paśla aplavuchi ŭ Lizie Jeŭropy sastupiła i va ŭnutranym pieršynstvie «Isłačy», čym dazvoliła kryšačku nablizicca da siabie kankurentam za miedali. Ale 9 bałaŭ — heta nie toje adstavańnie, jakoje robić mahčymym viartańnie «załatoj» intryhi.
Dziakujučy druhoj zapar pieramozie minskaje «Tarpieda» zdoleła pakinuć zonu vyletu i amal harantavana pachavać nadziei mahiloŭskaha «Dniapra» na vyratavańnie. Kab vykaraskacca, treba pieramahać, a mahiloŭcy hetaha nie rabili ŭžo bolš za paŭhoda.
Ciapier pahladzim, što cikavaha nam pryniasie dvaccać piaty tur!
«Viciebsk» — «Dniapro»
- 19.10 / 19:00. Viciebsk, CSK «Viciebski»
- Kaeficyjenty: «Viciebsk» (pieramoha) — 1.24; ničyja — 5.35; «Dniapro» — 13.25
Kłub ź Viciebska jak minimum na dzień moža viarnucca na druhi radok tablicy. Dla hetaha treba pieramahčy «Dniapro», jaki prajhraŭ u apošnich čatyroch turach, prapuściŭšy 12 miačoŭ.
Dla atakujučaj kamandy Siarhieja Jasinskaha heta, zdajecca, nie stanie surjoznaj prablemaj. Tym bolš paśla niaŭdałaj sieryi «Viciebsk» zdoleŭ upeŭniena pieramahčy ŭ apošnim tury.
Prahnoz «NN»: «Viciebsk» pieramoža.
«Minsk» — «Dynama-Minsk»
- 20.10 / 15:00. Stadyjon FK «Minsk»
- Kaeficyjenty: «Minsk» (pieramoha) — 7.30; ničyja — 3.90; «Dynama» — 1.48
Parazaj u derbi ad «aŭtazavodcaŭ» skončyłasia pieramožnaja sieryja ambitnaj kamandy Alaksandra Łuchviča. «Haradžanie» znachodziacca na salidnaj adlehłaści ad zony vyletu, ale rassłablacca nie varta.
Fota FK «Dynama-Minsk».
Takija ž parady možna dać i «dynamaŭcam» — lubaja niaŭdača adrazu moža adbicca na turnirnym raskładzie.
Prahnoz «NN»: «Dynama» pieramoža.
BATE — «Haradzieja»
- 20.10 / 17:00. «Barysaŭ-Arena»
- Kaeficyjenty: BATE (pieramoha) — 1.20; ničyja — 6.00; «Haradzieja» — 14.50
Apošnija dźvie hulni suprać «Haradziei» prychilniki barysaŭcaŭ, napeŭna, chacieli b zabyć jak strašny son. Ale kali ŭ apošnim tury minułaha siezona BATE vyratavałasia i atrymała čarhovaje čempijonstva, to ŭ pieršym kole paciarpieła parazu, paśla jakoj byŭ zvolnieny Aleh Dułub.
U Barysavie ž BATE maje bolš pryjemnuju statystyku suprać «cukrovaj» kamandy — dźvie pieramohi z roźnicaj hałoŭ 7:0. Zdajecca, sieryja praciahniecca, bo paśla lichoha startu druhoha koła «Haradzieja» ŭžo čatyry hulni nie moža pieramahčy.
Prahnoz «NN»: BATE pieramoža.
«Šachcior» — «Nioman»
- 20.10 / 19:00. Salihorsk, stadyjon «Budaŭnik»
- Kaeficyjenty: «Šachcior» (pieramoha) — 1.444; ničyja — 4.00; «Nioman» — 7.90
«Šachcior», jak i kankurenty ź minskaha «Dynama» i «Viciebska», nie maje prava na pamyłku: lubaja chiba moža kaštavać miedaloŭ, čaho zvyšpatrabavalnaja salihorskaja publika moža nie daravać.
Fota FK «Šachcior».
«Nioman» z vaśmiorki ŭžo nie vyvalicca, ale i bolš, čym na siomy radok, raźličvać budzie składana.
Prahnoz «NN»: «Šachcior» pieramoža.
«Słuck» — «Tarpieda-BiełAZ»
- 21.10 / 14:00. Słuck, stadyjon «Haradski»
- Kaeficyjenty: «Słuck» (pieramoha) — 3.00; ničyja — 2.96; «Tarpieda» — 2.51
Vielmi cikavaja historyja supraćstajańnia ŭ hetych kamand. U Žodzinie nikoli nie pieramahaŭ «Słuck», a ŭ Słucku nikoli nie pieramahała žodzinskaja kamanda.
Ale tut jość abciažarvalnaja akaličnaść u niadzielnych haspadaroŭ — sieryi z troch parazaŭ u apošnich turach i 6 parazaŭ zapar (!) u chatnich hulniach.
Ci zmoža «Tarpieda» ŭpieršyniu pieramahčy ŭ Słucku?
Prahnoz «NN»: «Tarpieda-BiełAZ» pieramoža.
«Smalavičy» — «Isłač»
- 21.10 / 16:00. a/h Kastryčnicki
- Kaeficyjenty: «Smalavičy» (pieramoha) — 2.61; ničyja — 2.96; «Isłač» — 2.86
Pieramohaj nad BATE kamanda ź Minskaha rajona, zdajecca, zabiaśpiečyła sabie prałanhacyju znachodžańnia ŭ vyšejšaj lizie.
Fota FK «Isłač».
Ich supierniki sa Smalavičaŭ znachodziacca ŭ padviešanym stanie: 4 bały — heta vielmi zybki handykap, a padajecca, što kamanda ŭžo rassłabiłasia.
Prahnoz «NN»: totał mienšy za 2,5.
«Dynama-Brest» — «Tarpieda-Minsk»
- 21.10 / 18:30. DASK «Brescki»
- Kaeficyjenty: «Dynama» (pieramoha) — 1.18; ničyja — 6.30; «Tarpieda» — 15.75
Bieraściejcy viartajucca ŭ hulniu i buduć nie suprać skarystacca pamyłkami kamand z top-4, kab uvarvacca ŭ baraćbu za jeŭrakubki. Piać pieramoh zapar u čempijanacie — i Brest užo piaty, a letniaje ciemrašalstva amal zabytaje.
«Tarpieda» ździejśnić sapraŭdny podźvih, kali zmoža niešta supraćpastavić u hetaj hulni.
Prahnoz «NN»: pieramoha «Dynama».
«Pramień» — «Homiel»
- 22.10 / 19:00. Minsk, SAK «Alimpijski»
- Kaeficyjenty: «Pramień» (pieramoha) — 2.41; ničyja — 3.25; «Tarpieda» — 2.88
«Pramień» u apošnich turach demanstruje davoli pryvabny futboł i dosyć spraŭna nabiraje turnirnyja bały, ale hetaha pakul niedastatkova dla vyratavańnia.
U vyniku vielmi vierahodnaj parazy minskaha «Tarpieda» ŭ Breście u kamandy Ivana Bijončyka źjaŭlajucca dobryja šancy — «Homiel» paśla zajzdrosnaj sieryi z 7 matčaŭ biez parazaŭ u druhim kruzie apošnija try hulni skončyŭ z «barankami».
Prahnoz «NN»: «Pramień» nie sastupić.
TURNIRNAJA TABLICA
Kali zachočacie schadzić na futboł, nie zabudźciesia surjozna ŭciaplicca! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!