Kiraŭnik Rashvardyi Viktar Zołataŭ zajaviŭ, što nie maje namieru ŭdzielničać u debatach z apazicyjanieram Alaksiejem Navalnym, paviedamlaje «Interfaks»
«Debaty? Ja jaho na inšaje zaprašaŭ», — skazaŭ Zołataŭ, adkazvajučy na pytańnie ab tym, ci prymie jon zaprašeńnie Navalnaha ŭziać udzieł u debatach na telebačańni. «Tamu my ź im nie sychodzimsia», — dadaŭ kiraŭnik Rashvardyi. «Ale na pytańnie jaho ja adkažu, — praciahnuŭ jon. — Potym vyrašym [jakim čynam]»
Pa słovach kiraŭnika Rashvardyi, vyklikajučy Navalnaha na duel, jon zaprasiŭ jaho na «spartyŭnaje spabornictva, nie bolš za toje». «Mianie abvinavačvajuć u tym, što ja jaho nibyta zaprasiŭ dla taho, kab jaho źbić paśla taho, jak jon abviaściŭ mianie karupcyjanieram i ŭsio takoje. Ale sprava ŭ tym, što ciapier sud idzie, i voś paśla rašeńnia suda, kali sud projdzie, my pahladzim — mieŭ jon racyju ci nie», — zajaviŭ Zołataŭ.
Navalny ŭžo prakamientavaŭ rašeńnie Zołatava. «Na duel ža. Ja vyrazna pamiataju. Tam było słova «duel», — napisaŭ jon u tvitary.
